अत्तरिया : कैलालीमा विभिन्न पार्टी परित्याग गरेर २ सय बढी नेता तथा कार्यकर्ता एमालेमा प्रवेश गरेका छन् । शनिबार अत्तरियामा आयोजित एमालेको चुनावी सभाबाट उनीहरु एमालेमा प्रवेश गरेका हुन् ।
माओवादी केन्द्रका प्रदेश कमिटी सदस्य सुरत भुल, काँग्रेस नेता डन्डीराज भट्ट सहितका २ सय बढी नेता कार्यकर्ता पार्टीमा प्रवेश गरेको एमालेले जनाएको छ । माओवादी, काङ्ग्रेस, नेकपा(एस),राप्रपाबाट उनीहरू एमाले प्रवेश गरेका हुन् ।
उनीहरूलाई पूर्व प्रधानमन्त्री तथा एमाले अध्यक्ष केपी शर्मा ओली, केन्द्रीय सचिव तथा सुदूरपश्चिम इन्चार्ज लेखराज भट्ट, पोलिटब्युरो सदस्य तथा कैलाली इन्चार्ज नारदमुनी राना लगायतका नेताहरुले पार्टीमा स्वागत गरेका हुन् ।
