अत्तरिया : समाजसेवी देव बहादु चन्दले आफ्नो जन्मदिन सुप समावेशी विद्यालयमा मनाएका छन् । अत्तरियामा रहेको अपांगता अध्ययनरत सुप समावेशीमा विद्यार्थीहरुलाई शैक्षिक सामाग्री तथा न्यानो कपडा वितरण गरेर चन्दले सोमबार आफ्नो ८०औ जन्मदिन मनाएका हुन् ।
गोदावरी नगरपालीका वडा नम्बर १ मा बसोबास भएका साजसेवी चन्दले विद्यालयका विद्यार्थीलार्ई कपी, कलम, माक्स र न्याने टोपी वितरण गरेका हुन् । जन्मदिनमा सबैको सामाजिक कार्यमा मन जाओस् र अपांगता भएका जेहेन्दार विद्यार्थीलाई हौसला मिलोस् भन्ने उद्देश्यका साथ आफुले यो कार्य गरेको उनको भनाई छ । उनले यस्ता संघसंस्थाहरुलाई सबैले सहयोग गर्न पनि आग्रह गरे ।
समाजसेवी चन्द गेटा गाविसका पुर्व प्रधान पञ्च पनि हुन् । बिद्यालय व्यवस्थापन समितीका अध्यक्ष गौरी भण्डारीको अध्यक्षतामा भएको शैक्षिक सामाग्री तथा न्यानो कपडा वितरण कार्यक्रममा कालिभैरव मावि नुवाकोट कोटान्जर डोटीका पुर्व प्रअ भोजराज भट्ट प्रमुख अतिथी रहेका थिए । त्यस्तै कार्यक्रममा होलिल्याण्ड माविका सञ्चालक मान बहादु चन्द, सक्षम पाठशालाका प्रिन्सिपल तर्कराज भट्टराई लगायतको सहभागिता रहेको थियो ।
