अत्तरिया : नेपाल राष्ट्रिय शिक्षक संगठन गोदावरी नगर कमिटीले नयाँ बर्ष २०८० को अबसर पारेर शुभकामना आदानप्रदान गरेको छ । अत्तरियामा रहेको प्रतिभा पुस्तकालयको सभाहलमा सोमबार कार्यक्रमको आयोजना गरिएको हो ।
गोदावरी नगर कमिटीका अध्यक्ष नरेन्द्र राज शर्माको अध्यक्षतामा भएको कार्यक्रममा नेपाल राष्ट्रिय शिक्षक संगठन राष्ट्रिय समिति सदस्य नर बहादुर रावल प्रमुख अतिथी रहेका थिए ।
बिशिष्ट अतिथिमा राष्ट्रिय समिति सदस्य नेत्र नाथ रहेका थिए भने अतिथिहरुमा नेपाल राष्ट्रिय शिक्षक संगठन डोटी जिल्ला समिति सदस्य पदमराज उपाध्यायय, कैलाली जिल्ला उपाध्यक्ष यशोदा जोशी,डोटी सचिव योगेन्द्र ब. मल्ल लगायत विभिन्न बिद्यालयका शिक्षक, संघ संस्थाका प्रतिनिधि, जनप्रतिनिधिहरुको सहभागीता रहेको थियो ।
कार्यक्रममा एक अर्काले नयाँ बर्ष २०८० को शुभकामना आदानप्रदान गरेका थिए भने कार्यक्रममा बिबिध मनोरन्जनका कार्यक्रमहरु समेत गरिएका थिए ।
यस्तै कार्यक्रममा शिक्षक सेवा आयोगबाट नाम निकालेर नयाँ पदस्थापन भएका शिक्षकहरुलाई बधाई तथा स्वागत सम्मान गरिएको थियो ।
गोदावरी नगर कमिटी सचिवालय सदस्य सुरत बोगटीको स्वागत मन्तव्य संगै शुरु भएको कार्यक्रमको सञ्चालन नगर कमिटी सचिव भुपेन्द्र बहादुर चन्दले गरेका थिए ।
