अत्तरिया : कैलालीको अत्तरिया स्थित दुर्गालक्ष्मी बहुमुखी क्याम्पसको प्रमुखमा नरेन्द्र बहादुर ऐर नियुक्त भएका छन् । सुदूरपश्चिम विश्वविद्यालयको आंगिक क्याम्पसका रुपमा रहेको दुर्गालक्ष्मीको क्याम्पस प्रमुखमा सहप्राध्यापक ऐर नियुक्त भएका हुन।
आईतबार बसेको विश्वविद्यालयको कार्यकारी परिषद्ले ऐरलाई क्याम्पस प्रमुखमा नियुक्त गरेको हो । दुर्गालक्ष्मी सहित सुदुरपश्चिम विश्वविद्यालय अन्तर्गतका १५ वटा क्याम्पसहरुका प्रमुखहरु फेरिएछन्।
दुर्गालक्ष्मी बहुमुखी क्याम्पसको प्रमुखमा यस अघि डाक्टर डम्बर बहादुर पाल थिए । बिश्वबिद्यालयले मातहतका क्याम्पसहरुमा हरेक ४ बर्षमा प्रमुखहरुको नियुक्ति र फेरबदल गर्ने गरेको छ ।
यस्तै कैलाली बहुमुखी क्याम्पसको क्याम्पस प्रमुखमा प्रा. तोयराज भट्ट नियुक्त भएका छन् ।
