अत्तरिया : कैलालीको अत्तरिया बजारमा सडक क्षेत्र अतिक्रमण गरी बनेका संरचना हटाउन शुरु गरिएको छ । गोदावरी नगरपालिकाले आजबाट नगरपालिकाको कार्यालय अगाडीबाट सडकपेटिमा बनेका संरचना हटाउन शुरु गरेको हो ।
अत्तरिया बजारलाई सून्दर र व्यवस्थीत बनाउनका लागी अतिक्रमित संरचना हटाउने काम थालिएको नगरप्रमुख विरेन्द्र भट्टले बताए । उनले अतिक्रमीत संरचना हटाउन नगरपालिकाले ४ पटक सुचना जारी गरेको भएपनि अटेरी गर्दा अहिले डोजर लगाएर संरचना भत्काउन लागेको बताए ।
अतिक्रमीत संरचना हटाउन गोदावरी नगरपालिकाले ४ पटक सुचना जारी गरेको थियो । नगरपालिकाले स्थानियलाई आँफै हटाउन सुचना मार्फत अनुरोध समेत गरेको थियो । अहिले नगरपालिकाले डोजर प्रयोग गरि संरचना हटाउन बजारमा नगरका कर्मचारी, सुरक्षाकर्मी लगायत जनप्रतिनिधी खटिएका छन् ।
नगरप्रमुख भट्टले जमिन अभावका कारण खोकाछाप्राहरु व्यवस्थीत हुन नसकेकाले तिनिहरुको व्यवस्थापनका लागी छलफल चलिरहेको र कुनै स्थान खोजेर तत्कालै व्यवस्थापन गरिने बताए ।
