अत्तरिया : कैलालीको गोदावरी नगरपालिकामा रोकिएको जग्गा नापीको काम आजबाट पुनः शुरु भएको छ ।
निर्वाचन आयोगले जारी गरेकोे आचारसंहिताका कारण रोकिएको जग्गा नापीको काम आज (बुधबार) गोदावरी नगरपालिका – ४ बाट शुरु गरिएको हो ।
गोदावरी नगरपालिका – ४ मा पहिलो पटक सुरु गरिएको नापीको नगरप्रमुख विरेन्द्र भट्टले उद्घाटन गरेका छन ।
गोदावरी वडा नम्बर १, २ र ५ मा नापीको निर्वाचन अघि नै सुरुवात गरिएको भएपनि गोदावरी ४ मा भने पहिलो पटक नापी गर्न थालिएको हो ।
