अत्तरिया : कैलालीको अत्तरियामा सञ्चालित जेसिज सप्ताह कार्यक्रम शुक्रबार सम्पन्न भएको छ । अत्तरिया जेसिज वर्ष २०२२ र अत्तरिया जुनियर जेसिजले संयुक्त रुपमा एक हप्तासम्म विभिन्न कार्यक्रमहरु आयोजना गर्दै सञ्चालन गरेको जेसिज सप्ताह शुक्रबार सम्पन्न भएको हो ।
अत्तरिया जेसिज वर्ष २०२२ का अध्यक्ष हरि कडायतको सभापतित्वमा आयोजित कार्यक्रममा गोदावरी नगरपालिकाकी उपप्रमुख शारदा रोकाया प्रमुख अतिथि रहेकी थिईन । कार्यक्रममा जेसिजका पुर्वअध्यक्षहरुका साथै विभिन्न संघसंस्थाका प्रतिनिधिहरुको सहभागीता रहेको थियो ।
कार्यक्रममा जेसिज सप्ताहलाई भव्यताका साथ सम्पन्न गर्न सहयोग पु¥याउने विभिन्न व्यक्ति तथा संस्थालाई सम्मानित गरिएको थियो । यही मंसिर २४ गतेदेखी सुरु भएको जेसिज सप्ताहमा पहिलो दिन अत्तरिया जेसिज र अत्तरिया जुनियर जेसिजबिच मैत्रिपुर्ण क्रिकेट प्रतियोगीता आयोजना गरिएको थियो भने दोस्रो दिन अत्तरियामै रहेको सत्यवती एकेडेमीमा ट्राफिक सचेतना कार्यक्रम आयोजना गरिएको थियो ।
यसैगरी सप्ताहको तेस्रो दिन स्वास्थ्य शिविर, चौथो दिन हाजिरी जवाफ प्रतियोगीता, पाँचौ दिन लागुपदार्थ दुव्र्यशनी विरुद्ध सचेतना कार्यक्रम र छैटौ दिन बनदेवी सरसफाई कार्यक्रम आयोजना गरिएको थियो । सप्ताहको सातौ दिन भने पुरस्कार वितरणका साथै सप्ताहको समापन गरिएको थियो ।
