अत्तरिया : कैलालीको अत्तरियामा अन्तर माबि स्तरिय भलिबल प्रतियोगिता हुने भएको छ । उद्वार खबर राष्ट्रिय दैनिकको आयोजनामा यहि पौष १६ गते देखि माबि स्तरिय भलिबल प्रतियोगिता हुने भएको हो ।
आज अत्तरियामा आयोजकले पत्रकार सम्मेलनको आयोजना गर्दै गोदावरी नगरपालिका वडा नम्बर २ उत्तरबनखेतमा रहेको सुदूरपश्चिम माध्यमिक विद्यालयको खेल मैदानमा प्रतियोगिता हुने जनाएको छ ।
प्रतियोगितामा कक्षा १० सम्मका अध्ययनरत बिद्यार्थी तथा सोही बिद्यालयका २ जना शिक्षकले सहभागी जनाउन सकिने कार्यक्रम संयोजक नरेश नाथ योगीले बताए । प्रतियोगितामा खेलाडी तथा शिक्षक सम्बन्धित बिद्यालयको नभएमा टिम रद्घ हुने जनाईएको छ ।
टिम दर्ताका लागि १ हजार ईन्ट्री फिस तोकिएको छ । प्रतियोगितामा चुरे गाउँपालिका, गोदावरी नगरपालिका र कृणपुर नगरपालिकामा रहेका बिद्यालयका बिद्यार्थी र २ जना शिक्षक सहभागी हुने जनाईएको छ ।
उक्त प्रतियोगितामा प्रथम, दोश्रो र तेश्रो हुने खेलाडीहरूलाई क्रमशः १० हजार, ५ हजार, ३ हजार मेडल, ट्रफी र प्रमाणपत्र उपलब्ध गराईने संयोजक योगीले बताए । उक्त प्रतियोगिता १६ र १७ गते गरि दुई दिन सञ्चालन हुने बताईएको छ ।
