अत्तरिया : कैलालीमा मोटरसाइकलले ठक्करबाट एक महिलाको ज्यान गएको छ । जिल्लाको गोदावरी नगरपालिका वडा नम्बर ३ चौकीडाँडा भित्रि सडकखण्डमा मोटरसाइकलले ठक्कर दिँदा पैदलयात्री सोही ठाउँकी ४५ वर्षीया शारदा चन्दको मृत्यु भएको प्रहरीले जनाएको छ ।
सुदुरपश्चिम प्रादेशिक ट्राफिक प्रहरी कार्यालय अत्तरियाका अनुसार बिहिबार साँझ सु.प.प्र ०१००९ प २३०८ नम्बरको मोटरसाइकलको ठक्करबाट गम्भीर घाइते भएकी चन्दको उपचारका क्रममा कोहलपुर मेडिकल कलेजमा मृत्यु भएको हो ।
दुर्घटनामा परेर मोटरसाइकल चालक गोदावरी नगरपालिका-३ बस्ने २४ वर्षीय सुरेन्द्र भण्डारी घाइते भएका छन । उनको धनगढीस्थित माया मेट्रो अस्पतालमा उपचार भइरहेको छ `।
