अत्तरिया : कैलालीको बल्मीमा हायस दुर्घटना हुँदा एक जनाको मृत्यु भएको छ । जिल्लाको गोदावरी नगरपालिका वडा नम्बर ९ बल्मिमा बिहीवार बिहान हायस दुर्घटना भएको हो ।
दुर्घटनामा जिल्लाको गौरीगंगा नगरपालिका वडा नम्बर ६ का पैदल यात्री केहुँराम चौधरीको ज्यान गएको प्रहरीले जनाएको छ ।
कैलाली प्रहरीका अनुसार धनगढीबाट नेपालगंज जाँदै गरेको बा ५ ख ४०३२ नम्बरको हायसले चौधरीलाई ठक्कर दिएको हो ।
पैदल यात्रीलाई ठक्कर दिएपछि अवरुद्ध गरिएको पूर्वपश्चिम राजमार्ग खुलेको छ । राजमार्ग खुलेसँगै सवारीसाधनहरु गन्तव्यतर्फ लागेका छन्।
