अत्तरिया : कैलालीको अत्तरियामा प्रहरीले लागु औषध तथा दुर्ब्यसनी विरुद्ध अभियान शुरु गरेको छ । ईलाका प्रहरी कार्यालय मालाखेती अत्तरियाले गोदावरी नगरपालिकाको समुन्वयमा समुदाय प्रहरी साझेदारी कार्यक्रम अन्तर्गत उक्त अभियान शुरु गरेको हो ।
शनिबार बाट अत्तरियामा शान्तिपुर्ण एवंम सुरक्षित समाजका लागि प्रहरीले लागु औषध तथा दुर्ब्यसनी विरुद्ध सचेतना मुलक अभियान शुरु गरेको बताएको छ । अत्तरिया बसपार्कमा शनिबार एक कार्यक्रमको आयोजना गरी गोदावरी नगरपालिका वडा नम्बर–१ का वडा अध्यक्ष तथा नगर प्रवक्ता गोपाल दत्त भट्टको अध्यक्षतामा अभियान शुरु गरिएको छ ।
इलाका प्रहरी कार्यालय मालाखेतीका प्रमुख प्रहरी नायक उपरिक्षक (डिएसपी) गणेश बरालले अभियानको बारेमा जानकारी गराउदै उनले लागु औषध दुर्ब्यसनी तथा होटलमा हुने अबैध क्रियाकलाप सबैको सहयोगमा निर्मुल गर्नुपर्ने बताए । अपराधिक क्रियापलाप रोक्नको लागि प्रहरी प्रतिवद्ध रहेको बताउदै उनले गलत क्रियाकलाप गर्नेलाई कानुन बमोजिम कारवाही गरिने बताए ।
डिएसपी बरालले बिभिन्न अपराधिक क्रियापलापमा हुने अपराधको कानुनी प्रक्रियाका बारेमा जानकारी दिदै यस्ता क्रियाकलापमा नलाग्न सबैलाई सचेत पारेका थिए ।
सचेतना मुलक कार्यक्रममा शनिबार होटेल ब्यवसायीहरुको सहभागिता रहेको थियो । कार्यक्रम अन्तर्गत लागु औषध दुर्ब्यसनी तथा होटलमा हुने अबैध क्रियाकलापको बारेमा सचेतना फैलाउन बिभिन्न कार्यक्रम गरिने बताईएको छ । पछिल्लो केही समय यता अत्तरियाका केही होटेलहरुलाई सेन्टर बनाएर लागु औषधका कारोबारीहरु सकृय हुँदै आएका छन् ।
प्रहरीले होटेल ब्यबसायी संघको सहकार्यमा यो कार्यक्रम गर्ने जनाएको छ । शनिबार अत्तरिया बसपार्कमा आयोजित सामुदायिक प्रहरी साँझेदारी कार्यक्रममा सहभागिलाई होटल व्यवसाय सञ्चालनका लागि बनाइएको आचारसंहिताको पम्पलेट समेत वितरण गरिएको थियो ।
