कञ्चनपुर : कञ्चनपुरको शुक्लाफाँटामा आज बिहान हाइस दुर्घटना भएको छ । महेन्द्रनगरदेखी धनगढी आउँदै गरेको बा४ख २३०३ नम्बरको हाइस शुक्लाफाँटा–११ कलुवापुरमा दुर्घटना भएको हो ।
सुदूरपश्चिम प्रदेश ट्राफिक प्रहरी कार्यालय अत्तरियाका अनुसार वाइरिङ्ग सर्टसर्किट भएर हाइस दुर्घटना भएको बताएको छ । दुर्घटनामा चार जना सामान्य घाइते भएका छन् ।
दुर्घटनामा परेर घाइते हुनेमा चालक बेदकोट नगरपालिका–२ बसन्थलाका मदन सुनार, बेदकोट–४ बगुनका ४९ वर्षीय शंकरदत्त भट्ट, उहाकी श्रीमती ३५ वर्षीया नन्दा भट्ट र दार्चुलाको मार्मा गाउँपालिका–१ दहका ५५ वर्षीय हर्कसिंह धामी रहेका छन् ।
सामान्य घाइते उनीहरुको झलारीमा उपचार भइरहेको प्रहरीले जनाएको छ । हायसमा ६ जना सवार थिए । हाइस अनियन्त्रित भएर राजमार्गको किनारमा रहेको कल्भर्टमा ठोक्किएको प्रहरीले बताएको छ ।
