अत्तरिया : कैलालीको गोदावरीमा स्कुल बसको ठक्करबाट एक वृद्ध महिलाको मृत्युु भएको छ । पूर्व-पश्चिम राजमार्ग अन्तरगत गोदावरी नगरपालिका- ६ खैराना पुल नजिकै आज बिहान स्कुल बसले ती महिलालाई ठक्कर दिएको थियो ।
सुदूरपश्चिम प्रदेश ट्राफिक प्रहरीका अनुसार से १ क४४१ नम्बरको माउन्ट साईपाल स्कुल बसको ठक्करबाट स्थानिय पैदलयात्री अन्दाजी ६५ वर्षीय बाटुबटे आलेमगरको मृत्यु भएको हो ।
उनको दुर्घटनामा मृत्यु भएपछि स्थानीयले अहिले सडक अवरुद्ध पारेका छन् ।
बस चालक धनगढी उपमहानगरपालीका १३ का तुल्सीराम राम चौधरीलाई ईलाका प्रहरी कार्यालय मालाखेतीले नियन्त्रणमा लिएको र घटनाबारे थप अनुसन्धान भईरहेको प्रदेश ट्राफिक प्रहरी कार्यालय अत्तरियाले जनाएको छ ।
