धनगढी : कैलालीको धनगढी उपमहानगरपालिका देशकै उत्कृष्ट उपमहानगर भएको छ । धनगढीले संस्थागत विकास, सेवा प्रवाह र वित्तिय सुशासनका क्षेत्रमा सबभन्दा राम्रो काम गरेकाले उत्कृष्ट उपमहानगरपालिका भएको हो ।
देशकै उत्कृष्ट उपमहानगर घोषीत धनगढी उपमहानगरपालिकालाई नेपाल नगरपालिका संघले उत्कृष्ट नगरपालिकाको उपाधि दिएको छ । नेपाल नगरपालिका संघको ३०औँ वार्षिकोत्सवको अवसरमा प्रधानमन्त्री पुष्पकमल दाहालले धनगढी उपमहानगरपालिकालाई उत्कृष्ट नगरपालिकाको रुपमा सम्मान गरेका हुन् ।
सोमवार काठमाडौंमा आयोजित एक कार्यक्रममा प्रधानमन्त्री पुष्पकमल दाहालले धनगढी उपमहानगरपालिकाका नगरप्रमुख गोपाल हमाललाई उत्कृष्ट नगरपालिकाको अवार्ड प्रदान गरेका हुन् ।
नेपाल नगरपालिका संघ २०५० मा सबै नगरपालिकाको प्रतिनिधि संगठनको रुपमा स्थापना भएको संस्था हो र यसले नगरपालिकाका साझा समस्या र अधिकारको वकालत गर्दै आएको छ।
