अत्तरिया : कैलालीको अत्तरियामा रहेको दुर्गालक्ष्मी बहुमुखी क्याम्पसको स्वतन्त्र विद्यार्थी युनियन (स्ववियु) सभापतिका लागि ५ जनाले उम्मेदवारी गर्दा गराएका छन । सुदूरपश्चिम विश्वविद्यालय आंगिक क्याम्पस रहेको दुर्गालक्ष्मीमा आज स्ववियु सभापतिका लागि ५ जनाले उम्मेदवारी गर्दा गराएका हुन ।
उम्मेदवारी गर्दा गराउनेमा नेविसंघ, अखिल क्रान्तिकारी, अखिल छैठौं सयुक्त प्यानलबाट भुवन महरा, स्वतन्त्रबाट लोकराज ओझा, अनेरास्ववियु (क्रान्तिकारी) सयुक्त प्यानलबाट पुष्करराज जोशी, स्वतन्त्र विद्यार्थी समुहबाट सरोज ठगुन्ना र अनेरास्ववियुबाट पुष्पराज सुवेदी रहेका छन ।
५ वटै विद्यार्थी संघ/संगठन/समुह र स्वतन्त्रले प्यानल सहित उम्मेदवारी दर्ता गराएका छन । महरा प्यानलबाट सचिवमा बम बहादुर विक र कोषाध्यक्षमा ज्याती साहु, ओझा प्यानलबाट सचिवमा दिनेश प्रसाद बडु र कोषाध्यक्षमा देवकी बोहरा, जोशी प्यानलबाट सचिवमा देव नेपाली र कोषध्यक्षमा प्रियङ्का बिष्ट, ठगुन्ना प्यानलबाट सचिवमा मनोज दाहाल र कोषाध्यक्षमा निर्मला साउँद र सुवेदी प्यानलबाट सचिवमा आकाश भट्टराई र कोषाध्यक्षमा कल्पना ओझा रहेका छन ।
महरा, जोशी र सुवेदी प्यानलबाट सदस्यमा ८/८ जना, ओझा प्यानलबाट ६ र ठगुन्ना प्यानलबाट ३ जनाले सदस्यमा उम्मेदवारी दिएका छन ।
