अत्तरिया : कैलालीको गोदावरी -३ साविक मालाखेती गाविसका पूर्व उप-प्रधानपञ्च रामदत्त भट्टको निधन भएको छ । उनको ७० वर्षको उमेरमा आज निधन भएको हो ।
केहि दिनदेखि असन्चो महसुस गरिरहेका भट्टको आज बिहान घरमै एक्कासी निधन भएको पारिवारिक स्रोतले बताएको छ ।
राप्रपाका नेता समेत रहेका भट्ट २०३८ साल देखि २०४२ सालसम्म मालाखेती गाविसको उप-प्रधानपञ्च थिए । आँटिला,मिलनसार समाजसेवीको मृत्युले गाउँले शोकमा डुबेका छन् ।
उनको आज नै गोदावरी आर्यघाटमा अन्त्येष्टि गरिने पारिवारिक स्रोतले बताएको छ । मृतकका श्रीमति, एक छोरा रहेका छन् ।
