अत्तरिया : कैलालीको अत्तरियाबाट २ बालबालिकाको उद्दार गरिएको छ । अत्तरिया बसपार्कबाट बझाङको छन्ना घर बताउने ६ बर्षीय बालिका आयुसु गिरी र ४ बर्षिय दिपु गिरीको उद्दार गरिएको हो ।
बसपार्क नजिकै एक होटलमा अलपत्र अवस्थामा भेटिएका ति बालबालिकाको उद्दार गरेर स्थानीय एलआर ओझाले इलाका प्रहरी कार्यालय मालाखेतीमा पु-याएका थिए । उनले बालबालिका अलपत्र भेटिएको खबर पाएपछि उद्दार गरी इलाका प्रहरी कार्यालय मालाखेतीमा पु-याएको बताएका छन ।
उद्दार गरिएका ति बालबालिकाले आफू आमासंगै आएको प्रहरी समक्ष बयान दिएका छन् । उनीहरुले आमाको नाम सिता गिरी र बुवाको नाम राजेश गिरी बताएको इलाका प्रहरी कार्यालयका प्रमुख डिएसपी गणेश बरालले बताए । उनका अनुसार अत्तरिया बसपार्क नजिकै रहेको राउला केदार होटलमा आमासंगै आएका ति बालबालिकालाई आमाले होटलमै छोडेर गएकी थिइन् ।
आमा संगै भारतबाट आएका ति बालबालिकालाई छोडेर आमा अरु पुरुष संग गएको हुन सक्ने प्रहरीले आसंका गरेको छ । उद्दार गरिएका ति बालबालिकालाई अत्तरियामा रहेको महिला तथा बालबालिका सेव हाउसमा राखिएको छ ।
