अत्तरिया : कञ्चनपुरको बहुमुखी क्याम्पसको स्वतन्त्र विद्यार्थी युनियन (स्ववियु) सभापतिमा अनेरास्ववियुकी लक्ष्मी विष्ट विजयी भएकी छिन् । अखिल क्रान्तिकारीकी मनिसा थापालाई हराउँदै विष्ट सभापतिमा विजयी भएकी हुुन् ।
विष्टले २८ मत पाउँदा थापाले २४ मत पाइन् । स्ववियुको सचिवमा नेविसंघका धर्मराज भट्ट ३१ मत लाउँदै निर्वाचित भए । उनका प्रतिस्पर्धी अनेरास्ववियुका रोशन कार्कीले २१ मत ल्याए ।
कोषाध्यक्षमा नेवि संघकै दिपिका कुमारी सिंह निर्वाचित भएकी छन् । उनले ३० मत पाउँदा प्रतिस्पर्धी अनेरास्ववियुकी सरस्वती कलौनीले २१ मत पाएकी छन् ।
यस्तै प्रत्यक्ष सदस्यमा नेवि संघका उर्मिला जोशी (२९), अखिल क्रान्तिकारीका दिपिका चौधरी (२८) र पवन भट्ट (२८) मत ल्याउँदै निर्वाचित भएका छन् । सामानुपातिकतर्फ अनेरास्ववियुले २२, नेवि संघले १८ र अखिल क्रान्तिकारीले ११ मत पाएको छ ।
क्याम्पसमा एमाले निकट अनेरास्ववियु र नेकपा एकिकृत समाजवादी निकट अनेरास्ववियूको गठबन्धन थियो भने अर्कातिर नेवि संघ र अखिल क्रान्तिकारीले तालमेल गरेका थिए ।
