अत्तरिया : सुदूरपश्चिम गौरीगंगा गोल्ड कप २०७९ आयोजना गरिने प्रतियोगिताको खेल तालिका सार्वजनिक गरिएको छ । गौरीगंगा नगरपालिकामा गौरीगङ्गा–११ स्पोर्टस क्लबको आयोजनामा चैत २१ गतेदेखि ३० प्रतियोगिता आयोजना गर्न लागिएको प्रतियोगिताको खेल तालिका सार्वजनिक गरिएको हो ।
‘खेलौँ फुटबल रमेर, फुटबलको सन्देश, शान्ति स्थायित्व र एकताबद्ध देश’ भन्ने नाराका साथ आयोजना गरिएको प्रतियोगितामा १० टिमको सहभागिता रहने छ । खेल तालिका अनुसार उद्घाटन खेल आयोजकको टीम र डोटी बीच प्रतिस्पर्धा हुनेछ ।
प्रतियोगितामा उपाधिका लागि आयोजक गौरीगंगा ११, डोटी संगै कैलाली, बाँके, एपीएफ, नवलपरासी, बाजुरा, नेपाल पुलिस, बर्दिया र कञ्चनपुरका टिम बीच प्रतिस्पर्धा हुनेछ । प्रतियोगिताको विजेतालाई ट्रफि सहित नगद ४ लाख र उपविजेता नगद २ लाख पुरस्कार प्रदान गरिने छ भने सर्वोत्कृष्ट खेलाडीले नगद ५० हजार प्रदान गरिने छ ।
सर्वाधिक गोलकर्ता, उत्कृष्ट गोलरक्षक लगायत अन्य विद्याका खेलाडीलाई नगद १० हजार पुरस्कार दिइने छ भने प्रतियोगिताको ‘म्यान अफ द म्याच’ नगद ५ हजार प्रदान गरिने आयोजकले जनाएको छ ।
