कञ्चनपुर : कञ्चनपुरमा मोटरसाइकल दुर्घटना हुँदा एक बालकको मृत्यु भएको छ ।
दैजी-बेल्डाँडी सडकखण्डमा सुपप्र ०२ ००३ ४६७१ नम्बरको मोटरसाइकल दुर्घटना हुँदा मोटरसाइकलमा सवार बेल्डाँडीकै ८ वर्षीया बालक इस्बद ठकुरीको मृत्यु भएको हो ।
सोही मोटरसाइकलमा सवार ८ वर्षीया अर्चना जोशी गम्भीर घाइते भएकी छन् । उनलाई उपचारका लागि धनगढी पठाइएको छ ।
मोटरसाइकल चालक रौलेश्वर माध्यमिक विद्यालयका शिक्षक टेकराज भट्ट पनि घाइते भएका छन् । उनको पनि अवस्था गम्भीर रहेको प्रहरीले जनाएको छ ।
