अत्तरिया : कैलालीको अत्तरियामा हुने ‘भेट्रान कप किर्केट टुर्नामेन्ट’ प्रतियोगिताको ट्रफी सार्बजनिक गरिएको छ । सोमबार अत्तरियामा पत्रकार सम्मेलन गरेर आयोजक पिएफए स्पोर्ट्स क्लबले सिजन ४ को प्रतियोगिताका लागि ट्रफी सार्बजनिक गरेको हो ।
प्रतियोगिता बैशाख १ गते बाट ९ गते सम्म हुने आयोजकले जनाएको छ । चौथो संस्करणको रुपमा भेट्रान कप किर्केट टुर्नामेन्ट प्रतियोगिता हुन लागेको क्लबका अध्यक्ष गणेश भण्डारीले बताए । प्रतियोगितामा ७ वटा टिमको सहभागिता रहने छ । जस अन्तर्गत धनगढी, गेटा, ओलानी, गुलरिया र अत्तरियाका ३ वटा टिमको सहभागिता रहने छ ।
आयोजकका अनुसार प्रतियोगिता लिग अप नक आउट फर्मेटमा खेलाइने छ । प्रतियोगितामा प्रथम हुने टिमले नगद ५० हजार ट्रफी, मेडल र प्रमाणपत्र पाउने छ भने दोस्रो हुने टिमले नगद २५ हजार सहित ट्रफी, मेडल र प्रमाण पत्र पाउने छ । त्यस्तै उत्कृष्टलाई १० हजार र म्यान अफ द म्याच लाई १५ सय देखि २ हजारको गिफ्ट कुपन दिईने आयोजकले बताएको छ ।
पूर्वरोडको शसस्त्र खेल मैदान बनखेतमा हुने खेल ग्रुप स्टेजका चरण १५ ओभरमा खेलाइने र नक आउट चरणका खेलहरु २० ओभरमा खेलाइने पिएफए स्पोर्ट्स क्लबका संस्थापक अध्यक्ष शन्तोष भट्टले बताए । उनले भेट्रान कपमा ३२ बर्ष भन्दा माथी उमेर समुहकाले मात्रै खेल्न पाउने बताएका छन् ।
