अत्तरिया : कैलालीको अत्तरियामा रहेको दुर्गालक्ष्मी नमूना माविका विद्यार्थीले राष्ट्रिय सूचना तथा सञ्चार प्रविधि दिवस ‘आईसीटी डे’ मनाएका छन ।
कक्षा १२ मा कम्प्युटर इन्जिनियरिङमा अध्ययनरत विद्यार्थीहरुले विविध कार्यक्रम गरेर दिवस मनाएका हुन् ।
विद्यार्थीहरुले दिवसको अवसरमा विद्यालयको प्राङ्गणदेखि -याली निकालेर अत्तरिया बजार परिक्रमा गरी नेपाल टेलिकम सुदूरपश्चि प्रदेश कार्यालयमा पुगेका थिए ।
टेलिकम कार्यालयमा पुगेका विद्यार्थीहरुलाई कार्यालयका इन्जिनियर तिलक धामीले सूचना प्रविधि दिवसका बारेमा जानकारी दिएका थिए।
सो अवसरमा विद्यार्थीहरुले पनि सूचना प्रविधिका बारेमा जानकारी आदानप्रदान गरेका थिए । नेपालमा मंगलबार ‘सुरक्षित सूचना प्रविधि, सुशासन र समृद्धि’ भन्ने मूल नाराका साथ छैटौँ दिवस अर्थात् ‘आईसीटी डे’ मनाइएको छ ।
