धनगढी : कैलालीको धनगढीमा सवारी दुर्घटनामा परी एक जनाको मृत्यु भएको छ । आज धनगढी उपमहानगरपालिका १६ पथरीमा कैलाली गाँउका ३५ वर्षीय रामगुलाव रानाले चलाएको से१त ५६९८ नम्बरको ट्याक्टरले साईकलयात्रीलाई ठक्कर दिएको थियो ।
ठक्करबाट गम्भिर घाईते भएका धनगढी–१ पशुपती टोलका ३६ वर्षीय अमृत सेवाको उपचारका क्रममा सेती प्रादेशिक अस्पतालमा मृत्यु भएको जिल्ला प्रहरी कार्यालय कैलालीले जनाएको छ ।
ट्याक्टर, ट्याक्टर चालक र साईकल प्रहरीले नियन्त्रणमा लिएको छ । यस यस घटनाको सम्बन्धमा प्रहरीले आवश्यक अनुसन्धान गरिरहेको बताएको छ ।
