अत्तरिया : कैलालीको गोदावरी नगरपालिका वडा नम्बर २ तेघरीमा मोटरसाइकलको ठक्करबाट एक पैदल यात्रीको मृत्यु भएको छ ।
मोटरसाइकलको ठक्करबाट धनगढी उपमहानगरपालिका वडा नम्बर १३ कैलाली गाउँकी पैदलयात्री ईशारादेवी धामीको मृत्यु भएको हो । बुधवार राति उनको मृत्यु भएको प्रहरीले जनाएको छ ।
ठक्करबाट गम्भीर घाइते भएकी उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले बताएको छ ।
धामीलाई ठक्कर दिने से ४ प २५६२ नम्बरको मोटरसाइकल र चालक चुरे गाउँपालिका वडा नम्बर ३ का ठक्करबहादुर लामामगरलाई प्रहरीले नियन्त्रणमा लिएको छ ।
