अत्तरिया : कैलालीको बुढितोलामा प्रदेश स्तरीय चेस प्रतियोगिता हुदैछ । जिल्लाको गोदावरी नगरपालिका वडा नम्बर ४ बुढीतोलमा आज सुदूरपश्चिम प्रदेश स्तरिय चेस (बुद्धिचाल) प्रतियोगिता हुन लागेको हो ।
गोदावरी नगरपालिका र सुदूरपश्चिम प्रदेश वुद्धिचाल संघको संयुक्त आयोजनामा चेस प्रतियोगिता आयोजना गर्न लागिएको छ ।प्रतियोगितामा पुरुष, महिला र विद्यार्थीका छुट्टाछुटै टीम सहभागि हुन सुदूरपश्चिम प्रदेश वुद्धिचाल संघका अध्यक्ष भीम पाण्डेले जानकारी दिएका छन् ।
प्रतियोगिता अन्तरगत पुरुष तर्फ प्रथम हुनेलाई १० हजार, द्धितिय हुनेलाई ७ हजार ५ सय, तृतिय हुनेलाई ५ हजार, चौथो र पाँचौ हुनेलाई क्रमशः २ हजार र २ हजार पुरस्कार दिइने आयोजकले जनाएको छ ।
त्यस्तै महिला तर्फ प्रथम हुनेलाई ४ हजार, द्धितिय हुनेलाई २ हजार ५ सय, बिद्यार्थी तर्फ प्रथम हुनेलाई ३ हजार र द्धितिय हुनेलाई २ हजार पुरस्कार दिइने संघका अध्यक्ष पाण्डेले जानकारी दिएका छन् ।
