धनगढी : नेपाल कम्युनिष्ट पार्टी कैलालीले मीटर ब्याजका नाईके मुनिर खानको घर कब्जा गरेको छ । शनिबार कैलालीको धनगढी उप महानगरपालीका वडा नम्बर १ पशुपती टोलमा रहेको शेख मुनिर खान अहमेदको घर जग्गा कब्जा गरिएको हो ।
नेपाल कम्युनिष्ट पार्टी कैलालीका जिल्ला ईन्चार्ज प्रकाश मल्लले लामो समय देखि कैलालीका सर्बसाधारणलाई मीटर ब्याजमा फसाउदै घर न घाटको अबश्थामा पु¥याएका कयौ मीटर ब्याज पीडितहरुको उजुरीको आधारमा खानको घर जग्गा कब्जामा लिएको जानकारी गराए । शनिबार नेपाल कम्युनिष्ट पार्टीले नारा जुलुश सहित ब्यानर र कालो झण्डा गाडेर खानको घर जग्गा कब्जा गरेको उनले बताए ।
ईन्चार्ज मल्लले लामो समय देखि खानलाई सुध्रिने मौका दिदा पनि नसुध्रिएकाले घर जग्गा कब्जा गरिएको बताउदै अझै नसुध्रिएर जनतालाई दुख दिने काम गरे थप कारबाही गर्न बाध्य हुने जानकारी दिए । उनले नेपाल कम्युनिष्ट पार्टीले मीटर ब्याज पीडित जनताको आग्रहमा र पार्टीको न्याय विभागमा आएको उजुरीको आधारमा खानको घर कब्जामा लिएको बताए ।
कुख्यात अपराधी खानको अन्य चल-अचल सम्पत्तिको सूचना पाउने बित्तिकै जफन गरिने ईन्चार्ज मल्ले बताए । उनले कब्जा गरिएको उक्त सम्पत्तिको स्वामित्व पनि पीडित जनतामै रहने जानकारी गराए ।
धनगढीको पार्क मोेडबाट नारा जुलुश सहित गएको टोलीले मीटर ब्याजका नाईके खानको घर जग्गा ब्यानर टाँसेर कब्जा गरे पछि स्थानीय समेत खुसी भएका छन । ब्यानर टास्दै गर्दा आएका स्थानीयले खुसी ब्यक्त गर्दै घरमा आगो लगाउने समेतको आक्रोस पोखेका थिए ।
लामो समय देखि कैलालीका सर्ब साधारण नागरिकहरुको जमीन पास बन्दकीको नाममा कब्जा गर्दै आएका खानको घर जग्गा कब्जा गरिए पछि खुसी भएका स्थानीयले खानको विरुद्ध आक्रोश पोखे पनि डर र त्रासका कारण परिचय खुलाउन चाहेनन ।
पार्क मेडबाट सुरु भएको जुलुशमा मीटर ब्याजीलाई कारबाही गरौ, मुनीर खानलाई फासी दिऔ, लघुवित्त र वित्तीय संस्थाहरुको ज्यादती बन्द गरौ, बैज्ञानीक समाजबादी ब्याबश्थाका लागी संघर्ष गरौ, एकीकृत जनक्रान्ती जीन्दाबाद जस्ता नाराहरु लगाइएका थिए ।
