ईलाका प्रहरी कार्यालय अत्तरियामा गत आर्थिक बर्ष ३५० मुद्दा दर्ता

अत्तरिया : कैलालीको ईलाका प्रहरी कार्यालय मालाखेती अत्तरियामा गत आर्थिक बर्षमा बिभिन्न शिर्षकका ३५० मुद्धा दर्ता भएका छन् । गत आर्थिक बर्ष २०७९/०८० मा इप्रका मालाखेतीमा लागुऔषध, आत्महत्या संगै अन्य कसुरका गरी ३५० मुद्धा दर्ता भएका हु्न् । जसमध्ये २३५ मुद्धा फर्छौट भएका छन भने ११५ मुद्दा फर्छौट हुन बाकी रहेका छन ।

दर्ता भएका ३५० मुद्धामा ३१४ पुरुष र ४७ महिला पक्राउ परेको इप्रका मालाखेतीका डिएसपी गणेश बरालले बताए । उक्त मुद्धामा जोडिएका १८ जना भने अझै फरार रहेका छन । गत आर्थिक बर्षमा कर्तव्य ज्यानका २, भवितव्य ज्यानका १९, फुटकर ज्यानका ११, डाका चारीका १, साधारण चोरीका २२, जुवाका र ठगीका २-२, अभद्र व्यवहारका ८३, वहुविवाहका ९, बालविवाहका २ मुद्धा दर्ता भएको डिएपी बरालले बताएका छन । यस्तै सो अवधिमा जवरजस्ती कारणीका २३, जवरजस्ती करणी उद्योगका ८, सवारी ज्यानका १८, सवारी अंगभंगका १, सवारीबाट भवितव्य ७, मानव वेचविखन १, बैंकिङ कसुरका ३० र हातहतियारका ४ मुद्धा दर्ता भएका छन् ।

यस्तै गत आर्थिक बर्षमा ४८ जनाले आत्महत्या गरेको मुद्दा दर्ता भएका छन । जसमा झुण्डिएर आत्महत्या गर्नेको संख्या ३९ रहेको छ भने बिष सेवन गरेर आत्महत्या गर्नेको संख्या ९ रहेको छ । आत्महत्याका ३ वटा घटनामा आत्महत्या दुरुत्साहन मुद्धा दर्ता भएको डिएसपी बरालले बताएका छन । उनले आत्महत्या दुरुत्साहन मुद्धामा ४ पुरुष र १ महिला पक्राउ परेको बताए ।

त्यस्तै एक बर्षको अवधिमा लागु औषध सहित ८४ जनालाई पक्राउ गरेको छ । आर्थिक बर्ष २०७९/०८० मा इप्रका मालाखेतीले ६ महिला सहित ८४ जनालाई पक्राउ गरेको हो । पक्राउ परेकाहरुको साथबाट खैरो हेरोइन ५३ ग्राम २५० मिलिग्राम, चरेश १७ किलोग्राम २ सय ग्राम, नाइट्रोभेट ४१ ट्याब्लेट, स्पास्मो ७४ ट्याब्लेट, ट्रामोडेल ८ ट्याब्लेट, प्रेगा ४० ट्याबलेट बरामग गरिएको डिएसपी बरालले जानकारी दिएका छन । उनले व्यक्तिगत र समुहमा पक्राउ परेका ८४ जनामाथि ५४ वटा मुद्धा दर्ता गरिएको बताएका छन ।

जसमध्ये ४५ मुद्दा फर्छौट भएको र ९ मुद्दा फर्छौट हुन बाकी रहेको उनले बताए । डिएसपी बरालले यस क्षेत्रमा लागुऔषध दुव्र्यसनी र कारोबार बढी हुने गरेकाले त्यसको रोकथामका लागि प्रहरी सक्रिय भएर लागेको बताएबा छन् । उनले सामुदाय प्रहरी साझेदारी अन्तरगत यस क्षेत्रमा स्कुल, कलेज, युवा क्लव, आमा समुह, बैंक, गाउँटोल, समुदाय संग समन्वय गरी सचेतना मुलक कार्यक्रम संचालन गरिएको बताए ।

इप्रका मालाखेतीले गत आर्थिक बर्षमा मात्रै ३८ वटा सचेतना मुलक कार्यक्रम संचालन गरिएको बताए । जसबाट २५ हजार जना लाभान्वित भएको प्रहरीको दावी छ । प्रहरीले लागु औषध संगै बालविवाह, बहुविवाह, घरेलु हिंसा, सवारी दुर्घटना न्यूनिकरणका लागि पनि राजमार्गमा होर्डिङ बोर्ड संगै करिब २० हजार पर्चा पम्पलेट वितरण गरेको जनाएको छ ।