अत्तरिया : कैलालीको अत्तरिया बजारमा सरसफाई गरिएको छ । गोदावरी नगरपालिकाको समन्वयमा अत्तरिया उद्योग वाणिज्य संघले आज बजार सरसफाई गरेको हो ।
सरसफाई कार्यक्रममा संघका पदाधिकारीका साथै शसस्त्र प्रहरी, नेपाल प्रहरी, नेपाली सेना, व्यापारी तथा नगरपालिकाका कर्मचारीहरुको सहभागीता रहेको थियो ।
बजारको दुर्गन्धित अवस्था देखेर सरसफाई कार्यक्रम आयोजना गरिएको संघका अध्यक्ष कल्याण सिँह बोहराले बताए । उनले व्यावसायिहरु बजारको सरसफाइमा स्वयम सचेत रहुन भन्ने सन्देश दिन पनि सरसफाइ गरिएको बताए । सरसफाई कार्यक्रमलाई मासिक रुपमा लैजाने योजना बनाएको अध्यक्ष बोहराले बताए ।
