अत्तरिया : कैलालीको राजपुरमा एम्बुलेन्सको ठक्करबाट पैदल यात्री घाईते भएका छन् । धनगढी उपमहानगरपालिका–१३ भाटभटेनी नजिक ६ लेन सडकमा एम्बुलेन्सले ठक्कर दिँदा कालीकोट रासकोट नगरपालिका–५ का २८ वर्षीय नकुल शाही घाईते भएका हुन् ।
चौमलाबाट धनगढी तर्फ जाँदै गरेको गौरीगंगा नगरपालिकाको सुपप्र०१००१ च ३६१८ नम्बरको एम्बुलेन्सको ठक्करबाट घाइते भएका शाहीको मायामेट्रो अस्पताल धनगढीमा उपचार भईरहेको जिल्ला प्रहरी कार्यालय कैलालीले जनाएको छ ।
घाइते शाहीको दुबै घुडा र निधारमा चोट लागेको छ । एम्बुलेन्स र चालक गोदावरी नगरपालिका–८ का ४५ वर्षीय जितराम चौधरीलाई नियन्त्रणमा लिइएको प्रहरीले जनाएको छ ।
