अत्तरिया : कैलालीको गोदावरी नगरपालिका वडा नम्बर-८ स्थित स्याउलेमा जारी गौरा विशेष मेलाको आज समापन गरीएको छ । भदौ ११ गतेदेखि सुरु भएको गौरा विशेष मेलाको शुक्रबार औपचारीक रुपमा समापन गरीएको हो ।
स्याउले स्थीत विश्वनाथ महादेव मन्दिर परिसरमा लागेको मेलाको भदौ ११ गते स्याउलेकी जेष्ठ नागरिक पार्वती खड्काले उद्घाटन गरेकी थिईन् । धर्मेश्वर फाउन्डेसनको आयोजना तथा स्याउले बजार व्यवस्थापन समिति र शिवशत्ति युवा क्लबको सहयोगमा मेला लागेको थियो ।
स्वर्गीय पिता धर्म सिंह देउवाको स्मृतिमा छोराहरु गणेश देउवा, गोपाल देउवा, मनिस देउवा र विरेन्द्र देउवाले फाउन्डेसन खोलेका थिए । शिवशक्ति युवा क्लब र स्याउले बजार व्यवस्थापन समिती सहयोगीमा रहेका थिए । मेलामा विभिन्न ठाँउका चर्चित डेउडा कलाकारहरुको पनी उपस्थीती रहेको थियो ।
