अत्तरिया : कैलालीको गोदावरी नगरपालिका वडा नम्बर १० ले खेलकुद सामाग्री वितरण गरेको छ । वडामा रहेका ६ वटा युवा क्लब र २ वटा बाल क्लबहरुलाई उक्त सामाग्रीहरु वितरण गरेको हो ।
आज वडा कार्यालयमा क्लबका प्रतिनिधीहरुलाई बोलाएर एक कार्यक्रमका विच वडाध्यक्ष रविन्द्र शाही (गुड्डु) ले खेलकुद सामाग्रीहरु वितरण गरेका छन् । वडामा रहेका युवा तथा बालबालिकाहरुलाइ खेलकुद क्षेत्रमा अगाडी वढाउनको लागि खेलकुद सामाग्रीहरु वितरण गरेको वडाध्यक्ष शाहीले बताए । उनले शिक्षा सँगै युवा तथा बालबालिकाहरुलाई खेलकुदको समेत आवश्यकता रहेको बताउदै वडाबाट हरेक बर्ष क्लबहरुलाई खेलकुद लगायतका बिभिन्न सामाग्रीहरु वितरण गर्दै आएको बताए ।
खेलकुद सामाग्री पाएपछि क्लबका युवा तथा बालबालिकाहरुले वडाध्यक्षलाई धन्यवाद ज्ञापन गरेका छन् ।
वडाले भलिबल, नेटजाली, फुटबल, क्रिकेटका सामग्री र व्याटमिन्टनका सामग्रीहरु वितरण गरेको वडा सचिव सचिव हिक्मत साउँदले बताए । उनले वडाले खेलकुद सम्बन्धी कार्यक्रमका लागि छुट्याएको ४ लाख बजेटबाट सामग्री वितरण गरिएको बताएका छन् ।
रेडियाे अत्तरिया 630 Posts 0 C
