दक्षिण अफ्रिकासँग नेपाल १ रनले पराजित
काठमाडौं : नेपाल आईसीसी टी-२० विश्वकप २०२४ मा दक्षिण अफ्रिकासँग १ रनले पराजित भएको छ । वेस्ट इन्डिजको सेन्ट भिसेन्टस्थित अरनोस भाल रंगशालामा भएको खेलमा दक्षिण अफ्रिका १ रनले पराजित भएको हो । योसँगै नेपालको सुपर-८ यात्रा पनि समाप्त भएको छ ।
११६ रनको विजयी लक्ष्यसहित मैदानमा उत्रिएको नेपाल फिनिसिङमा चुक्दा १ रनले पराजित भयो । नेपालका लागि ओपनर कुशल भुर्तेलले १३ रन बनाए। यस्तै अनिल साहले २७ रनको योगदान गरे । अरिफ शेखले ४२ रनको योगदान गरे । यस्तै दीपेन्द्रसिंह ऐरी ६ रन बनाएर आउट भए। दक्षिण अफ्रिकाका तब्रिज साम्सीले ४ विकेट लिए ।
त्यस अघि टस हारेर ब्याटिङ गरेको दक्षिण अफ्रिकाले निर्धारित २० ओभरमा ७ विकेट गुमाएर ११६ रन बनायो । दक्षिण अफ्रिकाका रीजा हेन्ड्रिक्सले सर्वाधिक ४३ रन बनाए । ट्रिस्टन स्टब्सले २७ तथा मार्करमले १५ रन बनाए । नेपालका लागि कुशल भुर्तेलले ४ तथा दीपेन्द्रसिंह ऐरीले ३ विकेट लिए ।
यस समूहबाट दक्षिण अफिका सुपर ८ मा प्रवेश गरिसकेको छ । श्रीलंका समूह चरणबाटै बाहिरिँदा नेपालको पनि सम्भावना सकियो ।
