अत्तरिया : नेकपा एमालेका केन्द्रिय सचिब तथा सुप इन्चार्ज लेखराज भट्टले पैसाको प्रलोभनमा नपर्न जनसमुदायमा आग्रह गरेका छन् । आज कैलालीको गोदावरी ११ र १२ मा कार्यकर्ता भेटघाट कार्यक्रममा बोल्दै उनले यस्तो बताएका हुन् । उनले पैसाको प्रलोभन देखाएर झुक्याउन खोज्नेबाट सचेत रहन आग्रह गरेका हुन् ।
कैलाली क्षेत्र नम्बर ४ का प्रतिनिधिसभा सदस्यका उम्मेदवार समेत रहेका भट्टले आफ्नो निर्वाचन क्षेत्रमा काम गर्न नसक्नेले अरुको क्षेत्रमा के काम गर्लान भनी सवाल गरेका थिए । ‘आफ्नो निर्बाचन क्षेत्र डोटिमा समेत काम गर्न नसक्नेले क्षेत्र नम्बर ४ मा के गर्लान ।’ उनले भने ‘डोटिमा प्रेम आले संग नसकेर बतासियर आएकाले कैलालीमा के बिकाश गर्लान ।’
नेकपा एमालेले देशको बिकाश गरी देशलाई बचाउछ भन्दै षडन्त्र भईरहेको उनले बताए । उनले यस क्षेत्रमा धेरै कामहरु गरेको दाबी गर्दै अझै पनि केही भ्रममा परिरहेका बताए ।
‘यहाँ धेरै साथिहरु भ्रममा पर्नु भाछ चाम्लेखोलाको तटबन्धको काम,खानेपानीको काम गरेको छु ।’ उनले भने ‘चैकिडाँडाँ, कोलमुडा, बयला र फल्टुडेको सडकको काम हामिले गरेका छौ,जनताका निमित्त हिडेको हो, जनताका काममा निरन्तर अग्रसर छौ ।’
