काठमाडौं : सरकारले ८ वटा घातक रोगको उपचारका लागि दुई अर्ब ५० करोड रुपैयाँ बजेट विनियोजन गरेको छ ।
सोमबार आगामी आर्थिक वर्षको बजेट प्रस्तुत गर्दै अर्थमन्त्री डा. प्रकाशशरण महतले आगामी आर्थिक वर्षमा आठ वटा घातक रोगको उपचारका लागि दुई अर्ब ५० करोड रूपैयाँ विनियोजन गरेको जानकारी दिए ।
यस्तै ९८ प्रकारका औषधि, खोपलगायतका आधारभूत स्वास्थ्य सेवा सरकारले निःशुल्क वितरण गर्ने भएको छ । उक्त औषधि वितरणका लागि १ अर्ब २८ करोड रकम विनियोजन गरेको मन्त्री महतले जानकारी दिए ।
